Հայաստանի եւ Պորտուգալիայի հավաքականների հանդիպման մեկնարկից 3 ժամ առաջ երկրպագուներն արդեն հավաքվում են Երեւանի Վազգեն Սարգսյանի անվան «Հանրապետական» ստադիոնի մոտ։ Տոմսերի QR կոդերը պետք է ակտիվանային 16:00-ից։
Հանդիպումը կմեկնարկի 20:00-ին։
Ավելի վաղ Հայաստանի ֆուտբոլի ֆեդերացիան հանդես էր եկել հայտարարությամբ․
«Հարգելի՛ երկրպագուներ,
Հայաստան - Պորտուգալիա հանդիպմանն ընդառաջ տեղեկացնում ենք, որ «Հանրապետական» մարզադաշտի մուտքերի մոտ գործելու են ՀՖՖ տեղեկատվական հատուկ կետեր:
Եթե մարզադաշտ մուտք գործելիս տոմսի QR կոդը չաշխատի, ապա պետք է մոտենալ նշված տեղեկատվական կետեր:
Եթե պարզվի, որ տոմսը կեղծ է, և խարդախության զոհ եք դարձել, ապա պետք է դիմել ՆԳՆ ոստիկանություն՝ համապատասխան իրավական գործընթաց սկսելու համար:
Բոլոր երկրպագուներին հորդորում ենք մարզադաշտ այցելել 2 ժամ շուտ՝ հերթերից խուսափելու համար»։
ԱԱ-2026, ընտրական փուլ
F խումբ, առաջին տուր
Հայաստան - Պորտուգալիա՝ 20:00
Գլխավոր մրցավար՝ Էնթոնի Թեյլոր (Անգլիա)
