Այսօր՝ օգոստոսի 31-ին, Կոտայքի մարզի Ձորաղբյուր բնակավայրում նախազգուշական բողոքի ակցիա են իրականացրել տեղաբնակները՝ պահանջելով որպեսզի պատկան մարմինները այդ թվում ՀՀ Տարածքային կառավարման և ենթակառուցվածքների նախարարությունը, Կոտայքի մարզպետարանը դրական լուծում տան երկար տարիներ իրենց մոտ լուրջ խնդիր առաջացրած խմելու ջրի և տրանսպորտի հարցին։ Հայտնում է Shamshyan.com-ը։
Բնակիչներն ասել են, որ երկու տարի է տրանսպորտ, որպես այդպիսին, չկա։ Առկա է նաև խմելու ջրի խնդիր։
«Վաղվանից դասերը սկսվում են ու մեր մոտից Երևանում սովորող երեխաներ ունենք, չգիտեմ էլ ոնց ենք հասցնելու, որ առանց տրանսպորտի երեխաներին դասերին հասցնենք, չուշանան։ Շատ դեպքերում տաքսին էլ չի գալիս, հրաժարվում է, ասում է էժան է նստում, ձեռք չի տալիս։
Խմելու ջուր ոչ մի անգամ չի եղել, շաբաթը մեկ անգամ տվել են հիմա դա էլ չեն տալիս նորմալ, ստիպված մեքենաներով ենք բերում ամռան այս տապին։ Եթե այս երկու կենսական նշանակություն ունեցող խնդիրներին այդպես էլ լուծում չտվեցին՝ ստիպված դիմելու ենք կտրուկ միջոցների ու կաթվածահար ենք անելու Աբովյան-Երևան երթուղին»։
