Հնդկաստանի վարչապետ Նարենդրա Մոդին ժամանել է Չինաստանի Տյանցզին քաղաք։ Ինչպես տեղեկացնում է «Արմենպրես»-ը, վկայակոչելով «Hindustan Times»-ը, Մոդին Չինաստանում կմնա մինչև սեպտեմբերի 1-ը։ Նշվում է, որ այցի ընթացքում նա կարևոր հանդիպում կունենա ՉԺՀ նախագահ Սի Ծինպինի հետ։ Երկու երկրների առաջնորդները կամփոփեն Հնդկաստանի և Չինաստանի տնտեսական հարաբերությունների զարգացման արդյունքները և կքննարկեն դրանց հետագա կարգավորման ուղղված քայլերը։

Բացի այդ, Մոդին կմասնակցի Շանհայի համագործակցության կազմակերպության (ՇՀԿ) ամենամյա գագաթնաժողովին։ Վերջինս առանձնահատուկ նշանակություն ունի՝ հաշվի առնելով սեպտեմբերի 27-ին ուժի մեջ մտած ԱՄՆ-ի կողմից Հնդկաստանի նկատմամբ սահմանված 50 տոկոս մաքսատուրքերի շուրջ աճող մտահոգությունները։