Անհայտ կորածների և բռնի անհայտացածների վերաբերյալ պարտավորությունները միջազգային կարգավորում ունեն։ Ադրբեջանն ամեն ինչ անում է և արել է, որ այս խնդիրները դուրս մղի միջազգային հանրության աչքից, սա նրանց համակարգված քաղաքականության մասն է։ Այս մասին անհայտ կորած անձանց նվիրված միջոցառման ժամանակ հայտարարել է ՀՀ նախկին ՄԻՊ Արման Թաթոյանը։
Նրա արձանագրմամբ՝ Հայաստանի և Ադրբեջանի միջև ԱՄՆ-ում նախաստորագրված փաստաթղթով փաստացի անհայտ կորած անձանց հարցը դուրս է մղվել միջազգային հանրությունից, հարցը տեղափոխվում է երկկողմ հարաբերությունների ոլորտ՝ արժեզրկելով միջազգային կարգավորումները։
Ադրբեջանն իր երկրի ներսում, ինչպես նշեց Արման Թաթոյանը, փակում է բոլոր միջազգային կառույցները, որոնք այս հարցերի հետ առնչություն ունեն, օրինակ ՄԱԿ-ի զարգացման գործակալությունը, Կարմիր Խաչի միջազգայն կոմիտեն։
«Սա անում են, որպեսզի միջազգային մեխանիզմները դուրս դրվեն այս պրոցեսից»,- ընդգծեց Թաթոյանը՝ մտահոգիչ համարելով գանագետները միջազգային այտաններից հետ կանչելը։
«Սա անթույլատրելի է առկա պայմաններում։ Եթե մենք միջազգային մեխանիզմները թույլ ենք տալիս մեզանից մեկուսացնել, նշանակում է՝ մենք իրավունքների պաշտպանությունը ստորադասում ենք քաղաքականությանը։ Այսինքն, իրավունքների պաշտպանության մեխանիզմերը նրա համար են, որ քաղաքականությունը մուտք չունեն, ազդեցությունը նվազի։ Մենք իրավունքն ունենք, որ այդ մեխանիզմները մեզ համար լինեն հասանելի, կարևրո է հետագայի համար»,-հայտարարեց Թաթոյանը՝ ընդգծելով, որ պետք է ամեն ինչ արվի, որպեսզի հետագա բանակցություններում Ադրբեջանը չկարողանա մեր իրավունքները նվաստացնող հայտարարություն անել։
