Վարորդներն այսօր՝ հուլիսի 25–ին, բողոքի ակցիա են իրականացնում Հանրապետության հրապարակում։ Նրանք բողոքում են վերջին օրերին Երեւանի քաղաքապետարանի կողմից քաղաքի կենտրոնում երթեւեկության կազմակերպման մի շարք փոփոխություններից, որի հետեւանքով երթեւեկությունը պարզապես կաթվածահար է եղել։

Խոսքը մասնավորապես, վերաբերում է Սարյան փողոցով երթեւեկությունը միակողմանի դարձնելուն, նաև նրան, որ մի շարք փողոցներում արգելվել է կայանելը։