ԱՄՆ ժամանող շատ ճանապարհորդներ այժմ ենթարկվում են 250 դոլարի չափով նոր՝ «վիզային ռեժիմի բարեխղճության ապահովման վիզային տուրքի», որը հուլիսի 4-ին նախագահ Թրամփի կողմից ստորագրված հարկերի և ծախսերի նվազեցման մասին օրենքի մի մասն է, հայտնում է CBS News-ը։
Տուրքն ուժի մեջ է մտնում ընթացիկ դաշնային ֆինանսական տարում, որը սկսվել է 2024 թվականի հոկտեմբերի 1-ին և ավարտվում է 2025 թվականի սեպտեմբերի 30-ին, համաձայն «Մեկ մեծ գեղեցիկ օրինագծի մասին» օրենքի տեքստի։
Հետագա տարիներին գումարը կճշգրտվի՝ հաշվի առնելով գնաճը, ասվում է օրենքում։ Տուրքը գանձվում է ԱՄՆ ժամանող այցելուներից, որոնք ունեն ոչ ներգաղթային վիզաներ, ինչպիսիք են ամերիկյան համալսարաններ հաճախող օտարերկրյա ուսանողները կամ ժամանակավոր աշխատանքային վիզաներ ստացող աշխատողները, օրինակ՝ H-1B-ն, որը հաճախ օգտագործվում է ընկերությունների կողմից օտարերկրյա ինժեներներ կամ այլ որակավորված աշխատողներ վարձելու համար։
Ըստ ԱՄՆ Պետդեպարտամենտի, 2023 թվականին ԱՄՆ-ում տրվել է ավելի քան 10 միլիոն ոչ ներգաղթային վիզա։
Համաձայն նոր օրենքի, վիզաների տերերին, որոնցից գանձվում է այս տուրքը, հետագայում կարող է վերադարձվել գումարը, եթե նրանք պահպանեն իրենց համար սահմանված վիզային սահմանափակումները, ինչպիսին է վիզայի ժամկետի ավարտից հետո հինգ օրվա ընթացքում ԱՄՆ-ից մեկնելը։ Սակայն օրենքում չի հստակեցվում, թե ինչպես կարող են վիզաների տերերը դիմել տուրքի վերադարձի համար և ինչպես է գանձվելու այդ տուրքը։
Հաշվի առնելով, որ վիզայի բարեխղճության ապահովման տուրքը դեռ սահմանված չէ, պարզ չէ՝ այն հետադարձ ուժ կունենա, թե ոչ։
Ըստ Ամերիկյան ներգաղթի խորհրդի՝ անկուսակցական վերլուծական կենտրոնի, որը մասնագիտացած է ներգաղթի հարցերում, նոր տուրքը կավելացնի այն դժվարությունները, որոնց բախվում են ներգաղթյալները։ Նշվում է, որ նոր օրինագիծը նախատեսում է նաև լրացուցիչ տուրքեր, այդ թվում՝ 100 դոլարի չափով նոր տուրք ապաստան հայցող անձանց համար։
«Այս տուրքերը, որոնցից շատերը թույլատրվում է գանձել ի լրումն գոյություն ունեցող տուրքերի, զգալի չափով պարտադիր են, ինչը փաստացիորեն անհասանելի է դարձնում օրինական ուղիները հազարավոր մարդկանց համար», - ասվում է խմբի հուլիսի 14-ի հայտարարության մեջ։
Օրինակ, ուսանողական վիզայի դիմողներն արդեն պետք է վճարեն 185 դոլար գրանցման վճար և 350 դոլար՝ ուսանողների և փոխանակման ծրագրով հյուրերի համար նախատեսված ծրագրին մասնակցելու համար։
Լրացուցիչ 250 դոլարի տուրքը կավելացնի նրանց ընդհանուր արժեքը մինչև 785 դոլար։ Ըստ Ամերիկյան ներգաղթի խորհրդի, ԱՄՆ-ում ապաստան փնտրող մարդիկ, որոնք նախկինում կարող էին անվճար դիմել այդ կարգավիճակի համար, նոր օրենքի համաձայն կարող են բախվել ընդհանուր առմամբ ավելի քան 1150 դոլարի դիմումի վճարների հետ։
ԱՄՆ ժամանող շատ զբոսաշրջիկների վիզա անհրաժեշտ չէ առանց վիզայի մուտքի ծրագրի շնորհիվ, որը թույլ է տալիս ավելի քան 40 երկրների՝ Ավստրալիայից մինչև Մեծ Բրիտանիա, բնակիչներին մուտք գործել ԱՄՆ առանց վիզայի 90 օրից պակաս ժամկետով։
