ՊՊԾ աշխատակիցները Ազգային ժողովի շենքից փորձում են հանել «Հայաստան» խմբակցության պատգամավոր Լևոն Քոչարյանի օգնական Արթուր Սուքոյանին։
ԱԺ միջանցքում «Հայաստան» խմբակցության պատգամավոր Գառնիկ Դանիելյանը լրագրողներին ասաց, որ անվտանգության աշխատակիցներն իրեն ասացին, որ աշխատակազմի ղեկավարից նման հրահանգ է եղել։
Նշենք, որ ավելի վաղ ԱԺ–ում քաշքշոց էր տեղի ունեցել, երբ «Հայաստան» խմբակցությունից Արթուր Սարգսյանը հայտարարել էր, որ քանի որ իրեն կալանավորելու են, ինքը ցանկանում է վերջին 2 ժամը անցկացնել ընտանիքի հետ եւ չի ուզում պատասխանել պատգամավորների հարցերին։ Դրանից հետո ԱԺ դահլիճում իրավիճակը լարվել էր, ՔՊ–ականները հարձակվել էին ընդդիմադիր պատգամավորի վրա, միջամտել էին անվտանգության աշխատակիցները։
