Tert.am Life-ը հետևել է, թե հայ հայտնիներեն այս շաբաթ Ինստագրամում ինչ հրապարակումներ են արել: Առանձնացրել ենք դրանցից մի քանիսը:
Մոդել, «Միսս Տիեզերք Արմենիա» Մոնիկա Գրիգորյան ինստագրամյան իր էջում սիրելիի հետ նոր լուսանկարներ է հրապարակել:
«365 օր մեզ հետ: Սիրո, աճի և հիշողությունների մեկ տարի»,- հրապարակմանը կից գրել է նա:
Հիշեցնենք՝ Մոնիկա Գրիգորյանը նշանադրվել է 2024 թվականին:
Միհրան Ծառուկյանն ու Արփի Գաբրիելյանն Ինստագրամում կիսվել են Համբուրգում կայացած համերգի լուսանկարներով:
«Համբուրգի հայեր ջան,
շնորհակալ ենք ձեզ աննկարագրելի ջերմ ընդունելության համար:
Մնացեք միշտ այդքան համախմբված ու սրտաբաց
Մեզ համար մեծ պատիվ էր ձեզ համար երգել»,- լուսանկարներին կից գրել է Միհրան Ծառուկյանը:
Երգչուհի Սոֆի Մխեյանը ֆեյսբուքյան իր էջում Լոնդոնից լուսանկարներ է հրապարակել և կից խոստովանել.
«Ո՛չ, ես հաստատ Լոնդոնում չեմ ապրելու, չնայած ո՞վ գիտի, երբեք մի՛ ասա երբեք»:
«Մի քանի ժամ հրաշալի Բուդապեշտում»,- ինստագրամյան իր էջում գրել է դերասանուհի Սոնա Մաթևոսյանն ու Բուդապեշտից լուսանկարներ հրապարակել:
Դերասանուհի Ելենա Վարդանյանը սոցցանցերի իր էջերում Եկատերինբուրգից հրապարակում է արել: Նա այցելել է Սուրբ Թագավորական ընտանիքի թանգարան։
Դերասանուհի Ռոմելա Սարգսյանն ինստագրամյան իր էջում նոր ֆոտոշարք է հրապարակել:
