Եվրահանձնաժողովը հաջորդ շաբաթ կներկայացնի եվրոպական արդյունաբերության ռազմականացմանն ուղղված միջոցառումների նոր փաթեթ։
Այս մասին հայտարարել է ԵՄ դիվանագիտական ծառայության ղեկավար Կաջա Կալլասը` ելույթ ունենալով Հռոմում Վեյմար + ձևաչափով արտգործնախարարների հանդիպման արդյունքներով կայացած մամուլի ասուլիսում։
«Հաջորդ շաբաթ Եվրահանձնաժողովը կառաջարկի նոր միջոցներ՝ բարձրացնելու ճկունությունը ռազմական պատվերների կազմակերպման հարցում և ֆինանսավորման համար հեշտացնելու մուտքը», - ասել է նա։
Կալլասը ընդգծել է, որ Եվրահանձնաժողովը կշարունակի հարմարվել և կատարելագործել ԵՄ-ի ռազմականացման իր ռազմավարությունը, որը նախատեսում է ներգրավել մինչև 800 միլիարդ եվրո փոխառու միջոցներ, այդ թվում՝ 150 միլիարդ եվրո ԵՄ մակարդակով եվրոպական պաշտպանական արդյունաբերության մեջ ներդրումների համար:
