Ինչպես գիտեք, Ռուսաստանի հայերի միության ղեկավար Արա Աբրահամյանի նախաձեռնությամբ ստեղծված «Ազգային միասնություն» շարժման համակարգող խմբի հերթական նիստերից մեկում որոշում է կայացվել Հայաստանի մարզերում մարզային գրասենյակներ հիմնել ՝ քաղաքական գործընթացի ժամանակ ժողովրդի հետ կապն ընդլայնելու նպատակով: Ընդ որում նշվում է, որ գրասենյակները գործելու են մշտական հիմքի վրա, ոչ թե, ինչպես սովորաբար դա լինում է՝ «տոնից տոն»:
Պետք է արձանագրել, որ քաղաքական մշակույթի զարգացման առումով սա մեծ քայլ է դեպի առաջ. վերջապես քաղաքական պայքարը չի սահմանափակվի ընտրություններից մեկ ամիս առաջ ընկած ժամանակահատվածում ցուցադրական քայլերով ու հայտարարություններով: Ըստ էության, գրասենյակների ստեղծումով սկսվում է քաղաքական մի գործընթաց, որն հնարավոր է ուղղված է արդեն 2017-ի ընտրություններին պատրաստվելուն:Կարապետ Գրիգորյանի ՖԲ էջից
