Ինչ է իրենից ներկայացնում և ինչ նպատակ է հետապնդում քաղաքացիների եկամուտների հայտարարագրումը հարցերին պատասխանել է Նաիրի Սարգսյանը:
«Մանիպուլյացիան և բլեֆը սկսում է սրանից՝ ոչ թե քաղաքացիների եկամուտների հայտարարագրում, այլ ՀՀ քաղաքացիների եկամտային հարկի տարեկան հաշվարկ: Սա ամրագրված է հարկային օրենսգրքի 156-րդ հոդվածով. հայտարարագրումն ինստիտուտի անվանումն է:
Հայտարարագրում ասելով՝ մարդկանց մանիպուլացնում են և խաբում, իբր թե նպատակը բարի է և իբր թե նապատակն իրական եկամուտների մասին տեղեկությունների ստացումն է: Այդպիսի բան գոյութուն չունի, ՀՀ-ն չունի բավարար չափով ներուժ, որ կարողանա եկամուտները հայտարարագրելով՝ մարդկանց թիրախային սոցաջակցություն ցուցաբերի: Սա բլեֆ է, նպատակը, բնականաբար, մարդկանց հարկելն է»,- ասել է նա:
