Ընդամենը 20 օր անց Հայոց Մեծ եղեռնի 110-րդ տարելիցն է։ Vesti.am-ը կապ հաստատեց ՀՀ ԱԳՆ-ի և Կառավարության լրատվական ծառայությունների հետ՝ տեղեկանալու համար, թե ձևավորվե՞լ է արդյոք Հայոց ցեղասպանության 110 ամյակի աշխատանքները համակարգող հանձնաժողով և ի՞նչ միջոցառումներ են նախատեսվում այդ օրերին։

ՀՀ ԱԳՆ մամուլի քարտուղար Անի Բադալյանը նշեց, որ ինքը տեղյակ չէ՝ արդյոք կա՞ ձևավորված հանձնաժողով, թե՞ ոչ։ Ինչպես նաև հավելեց, որ եթե ինքը չգիտի, դա դեռ չի նշանակում, որ հանձանաժողով չկա։ Բադալյանը նաև ասաց, որ եթե  լուսաբանման ենթակա միջոցառումներ լինեն, ապա դրա մասին լրատվականներին տեղյակ կպահեն։ Նա նաև հորդորեց կապ հաստատել կառավարության լրատվության վարչության հետ։

Երկու խոսնակներն էլ խոստացան ճշտել, թե արդյո՞ք կա ձևավորված հանձնաժողով, ո՞վ է նախագահը և այլն, ապա հորդորեցին մի փոքր ուշ կապ հաստատել։ Ցավոք, մեր լրատվականի հետագա բոլոր զանգերը մնացին անպատասխան։