Բաքու է ժամանել ԱՄՆ Պետքարտուղարության էներգետիկ ռեսուրսների բյուրոյի ավագ խորհրդական Էրիկ Ջեյքոբսը։ Դրա մասին հայտնել են Ադրբեջանում ԱՄՆ դեսպանատնից։

Այցի ընթացքում Էրիկ Ջեյքոբսը կհանդիպի Ադրբեջանի կառավարության պաշտոնյաների, էներգետիկ ոլորտի ղեկավարների և ոլորտի փորձագետների հետ՝ էներգետիկ անվտանգության կարևորությունը քննարկելու, ԱՄՆ էներգետիկ առաջնորդությունն ընդգծելու, ինչպես նաև էներգետիկ հնարավորություններ բացահայտելու և երկու երկրների բարգավաճումը բարձրացնելու համար:

Էրիկ Ջեյքոբսը ուրբաթ բացման խոսքով հանդես կգա Հարավային գազային միջանցքի (SGC) Խորհրդատվական խորհրդի 11-րդ նախարարական հանդիպմանը: