Tert.am Life–ը ներկա է եղել «Բոլոլո 4» սիթքոմի նկարահանման հրապարակում և բլից հարցերի միջոցով պարզել, թե ինչ են պատմում դերասաններն իրար մասին։

Մինչ բլից հարցախույզը դերասանուհի Զառա Սահակյանը Tert.am Life-ի հետ զրույցում անկեղծացավ, որ թիմում բոլորին շատ- շատ է սիրում:

«Ապրի Մենչը, որ նման նախագիծ ունենք, նրա հետ աշխատելը գերագույն հաճույք է՝ սկսած կազմակերպչական աշխատանքներից վերջացրած ներքին խոհանոցից»,- նշեց Զառան:

Զառա Սահակյան

-Ո՞վ է նկարահանումներից ուշացողը:

- Գրեթե չունենք, բայց կարող եմ մեկ- մեկ ես լինել կամ Մագան: Դա պարտաճանաչության հետ կապ չունի, այլ ավելի շատ այս շրջանում, քանի որ առավոտվանից ինտենսիվ նկարահանվում ենք և քաղաքում ամենուր խցանումներ են, երբեմն դա կարող է պատճառ լինել: Իսկ առհասարակ, ոչ ոք չի ուշանում:

Բոլորս սրտատրոփ էինք ուզում հասնել տաղավար ու մեծ սիրով ենք մասնակցել «Բոլոլա 4»-ի նկարահանումներին:

Թիմի ամենապոզիտիվը Մենչն է: Նրանից բխում է այդ պոզիտիվն ու տարածվում բոլորիս վրա:

Նյարդային չունենք, ունենք իր էմոցիաները չպահող, դա մեր Ագնեսան է, միշտ իմպուլսիվ է ու ավելի շատ էմոցիոնալ, քան նյարդային:

Ընկերասեր բոլորն են, բայց Մագային կառանձնացնեմ իր կամեցողությամբ: Եթե տարածքում հարց կա զգեստի կամ կեղծամի հետ կապված, Մագան ու Նորայրը ինքնամոռաց կտրվեն բոլորի համար:

Ամենասիրելին՝ բոլորը:

Նյարդերիս վրա ոչ ոք չի ազդում:

Ամենահումորովը. բոլորն էլ հումորով են ու պատահական մարդ չկա այս թիմում, բայց Աղասը հումորից դուրս էլ է հումոր անում ու անընդհատ պուլսը պահում է:

Ամենահոգատարը մեր ադմինիստրատոր Սոնան է, որ բոլորիս համար կարծես մայր լիներ ամբողջ ընթացքում:

Ամենաբարին, ամենազիջողն ու հանգիստը մեր թիմի փոքրիկ անդամն է՝ Աննան: Այնքան իրեն մեծի նման է պահել, որ երբեք չենք նկատել, որ տարածքում անչափահաս երեխա կա:

Նորայր Եղյան

-Ո՞վ է նկարահանումներից ուշացողը:

-Չգիտեմ:

Թիմի ամենապոզիտիվը Մենչն է:

Նյարդային մարդ չկա մեր կոլեկտիվում:

Ամենաընկերասերը Արտյոմն է: Բայց բոլորն էլ ընկերասեր են:

Ամենասիրելին Արտյոմն է, հաղթեց Արտյոմը)

-Ո՞վ է ազդում Ձեր նյարդերին:

- Ես ինքս եմ ազդուն իմ նյարդերին՝ կերպարիս զարգացումների հետ կապված:

Ամենահումորովը դժվար է պատասխանել ով է, պետք է հատուկ մրցույթ կազմակերպել պարզելու համար, թե ովքեր կանցնեն եզրափակիչ: Կարծում եմ՝ առաջին 3 տեղում կլինեն Մենչը, Զառան, Արտյոմը:

Ամենահոգատարը Սոնան է՝ մեր ադմինիստրատորը: Եթե ինքը չլինի, մենք սոված կմնանք: Սոնան է մեզ կերակրում:

Ամենաբարին Աննան է Խաչիկյան՝ ընտանիքի ամենափոքր անդամը:

Հիշեցնենք՝ «Բոլոլա 4»-ը Արմենիա TV-ի եթերում կլինի ապրիլից:

Ավելի վաղ, Tert.am Life-ը ներկայացրել էր նաև բլից հարցազրույց՝ Մենչի, Արտյոմ Կարապետյանի և Գարիկ Սեփխանյանի հետ:

Շարունակելի... 

Հեղինակ՝ Անի Մնացականյան

Լուսանկարները՝ Ռոբերտ Աբրահամյանի