Մյանմայի երկրաշարժի զոհերի թիվը հասել է 2886-ի, իսկ վիրավորներինը` 4639-ի։ 373 մարդ անհետ կորած է։ «Արմենպրես»-ի փոխանցմամբ՝ այս մասին հայտնել է Xinhua լրատվական գործակալությունը՝ վկայակոչելով Մյանմայի պետական կառավարման խորհրդի տեղեկատվական թիմը։
Մյանմայում Չինաստանի դեսպանատունը հայտարարել է, որ մաքսայիններն աշխատում են շուրջօրյա՝ Չինաստան-Մյանմա սահմանին մարդասիրական օգնության շտապ մաքսազերծման համար։
Թայլանդի PBS հեռարձակող ընկերության հաղորդմամբ` Բանգկոկում երկրաշարժի զոհերի թիվը հասել է 22-ի, 72 մարդ անհետ կորած է։ Մայրաքաղաքի հյուսիսում գտնվող Չատուչակ թաղամասում` Գլխավոր աուդիտի գրասենյակի 30-հարկանի շենքի փլուզման վայրում, որոնողափրկարարական աշխատանքները շարունակվում են։
Ավերիչ երկրաշարժից հետո Մյանմայի Միության Հանրապետությունը մեկշաբաթյա ազգային սուգ է հայտարարել։
Մարտի 28-ին երկրում տեղի է ունեցել երկու հզոր երկրաշարժ՝ համապատասխանաբար 7,7 և 6,4 մագնիտուդով։
Ցնցումները զգացվել են նաև հարևան Թաիլանդում, ինչպես նաև Չինաստանում, Կամբոջայում
