Աննա Հակոբյանն իր տարեդարձի օրը ամուսնու՝ Նիկոլ Փաշինյանի հետ մեկնել է Վաշինգտոն։ Այս մասին նա հայտնել է իր ֆեյսբուքյան էջում տեղադրված տեսանյութում:
Նա նշել է, որ ինտերնետի բացակայության պատճառով երկար ժամանակ հասանելի չի լինի ու շնորհակալություն հայտնել իրեն ուղղված շնորհավորանքների համար։
«Երախտապարտ եմ բոլորին շնորհավորանքների և մաղթանքների համար: Ուզում եմ ասել, որ սիրում եմ բոլորիդ: Լավ մնացեք, մինչև վերադառնանք»,- ասում է Աննա Հակոբյանը:
Հիշեցնենք, որ Նիկոլ Փաշինյանը Վաշինգտոնում կմասնակցի 5-րդ ամենամյա միջազգային կրոնական ազատության գագաթնաժողովին, ինչպես նաև «Ազգային աղոթքի նախաճաշին»: Գագաթնաժողովին ՀՀ վարչապետը հանդես կգա ելույթով:
