«Մենք ցանկանում ենք, որ Հայաստանն ու Ադրբեջանը խաղաղության մշտական համաձայնագիր ստորագրեն: Այս գործընթացում ուս-ուսի առաջ ենք գնում Ադրբեջանի հետ». Հաքան Ֆիդան:
Բա Նիկոլն ինչո՞ւ է հրաժարվում Մինսկի խմբից, այլ միջնորդներից:
Թուրքիան սառը ցնցուղ է պահել Նիկոլի դավաճանական ստերի վրա, թե Ադրբեջանի հետ ուղիղ է բանակցում: Ֆիդանի ասածն հենց նրա ապացույցն է, որ Նիկոլին պարտադրել են հրաժարվել բոլոր դաշնակիցներից, որպեսզի միջնորդությունը մնա Թուրքիայի մենաշնորհը:
Ուրիշ տեղերում մեղավորներ փնտրել պետք չէ: Ոչ ոք Հայաստանի նկատմամբ դավաճանություն չի գործել, բացի Նիկոլից, ոչ ոք չի միջնորդի, եթե դրա համար չդիմի Ադրբեջանը կամ Հայաստանը: Ադրբեջանը դիմել է Թուրքիային ու ստացել աջակցություն: Նիկոլը հրաժարվել է Ռուսաստանի ու Իրանի միջնորդությունից ու Թուրքիայի դեմ հայտնվել է իր ամբողջ մերկությամբ:
Կասեք՝ Ֆրանսիային ու Ամերիկային է դիմել, ԵՄ անդամակցության է գնում և այլն: Այո, կա էդպիսի բան: Բայց գոնե մի անգամ լսե՞լ եք, որ Ֆրանսիային, Ամերիկային կամ ԵՄ-ին դիմած լինենք՝ հայ-ադրբեջանական կարգավորման միջնորդության համար: Մի Մինսկի խումբ կար՝ դա էլ է լուծարում, իսկ 2020 թվականի նոյեմբերի 9-ի եռակողմ հայտարարություններն արդեն վաղուց արհամարված են:
Այս մարդն անընդունակ է, չի ուզում, չի կարող վարել արտաքին քաղաքականություն: Նրա միակ նպատակը իշխանությունը պահելու հեռանկարով յալանչիությունն է, իսկ այդպիսի «շուստրի գեղցու» վրա ոչ մի լուրջ երկիր խաղադրույք չի անելու: Միայն՝ Էրդողանն ու Ալիևը, այն էլ՝ Հայաստանը կուլ տալու հեռանկարով:
