Վրաստանի իշխանությունները հույս  են հայտնել, որ ԱՄՆ  կվերանայի ռազմական համագործակցությունը դադարեցնելու, մասնավորապես՝ «Արժանի գործընկեր-2024» միջազգային զորավարժությունների անորոշ ժամանակով հետաձգելու իր որոշումը, հայտարարել է Վրաստանի պաշտպանության նախարարի թեկնածու Իրակլի Չիկովանին՝ խորհրդարանում։

«Ցավալի և անհասկանալի էր «Արժանի գործընկեր» զորավարժությունները հետաձգելու մասին Միացյալ Նահանգների որոշումը։ Այս ընթացքում մենք մեր միջազգային գործընկերների հետ  մենք մեկ անգամ չէ, որ  զորավարժություններ ենք անցկացրել։ Հուսով ենք՝ այս և նմանատիպ այլ որոշումներն ի վերջո կվերանայվեն»,- ասել է նա։

Նշենք, որ Վրաստան-ԱՄՆ, Վրաստան-ԵՄ հարաբերությունները կտրուկ վատացել են՝ մայիսին երկրի խորհրդարանի կողմից արտասահմանյան գործակալների մասին օրենքն ընդունելուց հետո։