ԱՄՆ պետքարտուղար Քամալա Հարիսը ավելի հաճախ է կասկածի տակ դնում երկրի նախկին նախագահ Դոնալդ Թրամփի՝ իր պարտականությունները եւս չորս տարի Սպիտակ տանը կատարելու ունակությունը, քանի որ Հարիսը ձգտում է իր տարիքը հակադրել Թրամփի տարիքին, տեղեկացրել է CBS News-ը։
«Ես տեսնում եմ, որ նրա թիմը, համենայն դեպս, ասում է, որ նա տառապում է գերհոգնածությամբ»,- լրագրողներին Միչիգանի նահանգի Գրանդ Ռափիդս քաղաքում ասել է Հարիսը, որի 60 տարին լրանում է կիրակի։
Դեմոկրատական կուսակցությունից ԱՄՆ նախագահի թեկնածուն մեջբերել է Politico պարբերականի հոդվածը, որտեղ ասվում է, որ Թրամփի հետ մի քանի հարցազրույցները հաջողություն չեն ունեցել, որովհետեւ 78-ամյա թեկնածուն «հյուծված» է։
«Լսեք, Միացյալ Նահանգների նախագահ լինելը, հավանաբար, աշխարհի ամենադժվար գործերից մեկն է։ Դրա համար մեզ իսկապես անհրաժեշտ է հարցնել, եթե նա հոգնել է ընտրարշավից. կարո՞ղ է արդյոք կատարել այդ աշխատանքը։ Եվ ես կարծում եմ, որ դա մնում է բաց հարց, որին պետք է պատասխանել»,- ասել է Հարիսը։
Նրա կարծիքով՝ դա «օրինական հարց է»։
Թրամփը դեռ չի հրապարակել իր վերջին բժշկական տվյալները՝ ուրբաթ հայտնելով, որ «դուք բոլորդ դրանք ունեք»։ Նրա ընտրարշավը հայտնել է, որ նա «հիանալի առողջություն ունի», որպեսզի նախագահ լինի։ 2023թ. նոյեմբերին Թրամփը հրապարակել է իր օսթեոպատիայի բժշկի նամակը, որում ասվում է, որ նա գնացել է հետազոտման 2023թ. սեպտեմբերին, եւ որ «իր առողջական ընդհանուր վիճակը հիանալի է»։
Նամակում, սակայն, ոչ մի մանրամասն չի եղել նրա վիճակի եւ դեղերի մասին։
