Անկախության տոնին, վաղ առավոտից «Սրբազան պայքար»-ի առաջնորդ Բագրատ Արքեպիսկոպոս Գալստանյանը «Եռաբլուր» զինվորական պանթեոնում է։
Այստեղ նրան դիմավորել են 44-օրյա պատերազմում զոհված զոհվածների ծնողները:
Ծնողները, որոնք Եռաբլուրում էին նախօրեից, լրագրողների հետ զրույցում հայտարարել են, որ հավաքվել են այնտեղ, որպեսզի թույլ չտան Փաշինյանի մուտքը Եռաբլուր:
«Ամեն անգամ Եռաբլուր այցելությունը, մեր տղաներին այցելությունը մեզ համար որքան այս իրականության մեջ ապրելով գլուխներս կախ լինելու օր է, միաժամանակ իրենց սխրանքով վեհանալու եւ վերանալու օր է, ուխտի ու ներշնչումի օր է: Այն պահն է, որ մենք գալիս ենք այդ ուժականությունը ստանալու համար, ոչ միայն ցավելու եւ սգալու համար: Մենք իրավունք չունենք Եռաբլուրը գերեզման նկատելու: Եռաբլուրները մեզ համար ներշնչումի ժամեր պետք է մնան:
Պետք է ընդունել մեր պարտված լինելը, բայց ոչ մեր տղաների, որոնք հաղթանակի տեսլիքով են գնացել: Իրենցով ապրելու եւ մեր ընթացքը դեպի վերելք, դեպի մեր տան վերականգնում, մեր գողացված ուրախության վերականգնում պետք է ընթանա: Սա է այսօրվա խորհուրդը»,-ասաց նա:
