Համա նահանգի Մասյաֆ քաղաքի վրա իսրայելական ավիահարվածների հետեւանքով մի քանի մարդ վիրավորվել է։ Այս մասին սիրիական SANA գործակալությանը հայտնել է Մասյաֆի ազգային հիվանդանոցի տնօրեն Ֆեյսալ Հայդերը։

«Մասյաֆի թիրախներին իսրայելական հարվածների արդյունքում հիվանդանոց են տեղափոխվել մի քանի խաղաղ բնակիչներ, որոնցից երեքը ծայրահեղ վիճակում են», - ասել է Հայդերը: Նա հավելել է, որ շտապօգնության մեքենաները շարունակում են վիրավորներին բուժհաստատություն տեղափոխել։

Երկուշաբթի երեկոյան Al Hadath հեռուստաալիքը, հղում անելով աղբյուրներին, հայտնել է, որ Իսրայելը մի շարք ավիահարվածներ է հասցրել սիրիական Դամասկոս, Տարտուս, Համա և Հոմս նահանգներում գտնվող թիրախներին։ Ինչպես հաղորդում է սիրիական SANA գործակալությունը, Արաբական Հանրապետության հակաօդային պաշտպանության համակարգերն արտացոլել են հակառակորդի ագրեսիան երկրի կենտրոնական հատվածի երկնքում։ Սիրիայի ռադիոյի և հեռուստատեսության գլխավոր տնօրինության տվյալներով՝ ավիահարվածի արդյունքում Մասյաֆի Խաիր Աբաս շրջանի ճանապարհներից մեկում ուժեղ հրդեհ է բռնկվել։