Հայաստանը մասնակցելու է ԱՊՀ-ի ոչ պաշտոնական գագաթնաժողովին: Այս մասին, այսօր՝ սեպտեմբերի 4-ին, ԱԺ-ում լրագրողների հետ զրույցում ասաց ԱԳ փոխնախարար Մնացական Սաֆարյանը՝ արձագանքելով NEWS.am-ի հարցին:
Նա չհստակեցրեց, թե ինչ ձեւաչափով է լինելու այդ մասնակցությունը:
Փոխնախարարը նշեց նաեւ, որ Հայաստանը մասնակցելու է նաեւ ԲՐԻԿՍ-ի գագաթաժողովին:
BRICS-ի ամենամյա գագաթնաժողովը անցկացվելու է հոկտեմբերի 22-24-ը Կազանում, իսկ ԱՊՀ երկրների ոչ պաշտոնական գագաթնաժողովը նախատեսվում է անցկացնել Հաղթանակի 80-ամյակի պատվին Մոսկվայում կայանալիք շքերթի նախօրեին։
