Ապրիլի
24-ը Օսմանյան կայսրությունում Հայոց ցեղասպանության զոհերի հիշատակի օրն է:
Անցած դարասկզբին,
օգտվելով Առաջին համաշխարհային պատերազմի իրավիճակից, հայկական էլիտաների անհեռատեսությունից
և նրանց անմիաբանությունից, երիտթուքական պարագլուխները ծրագրավորեցին և իրականացրին
դաժանագույն հանցագործություն՝ հայ ժողովրդի ցեղասպանությունը, սպանություններ և արտաքսում
իրենց հողերից:
Ժամանակակից
Թուրքիայի իշխանությունները, աշխարհում և տարածաշրջանում նոր իրողություններից ոգեշնչված,
շարունակում են Հայոց ցեղասպանության մերժումը և պատմության խեղաթյուրումը, աջակցելով
Ադրբեջանին՝ Արցախում էթնիկ զտումներ իրականացնել:
Մեծ ցավով
ու ամոթով ենք լսում անցյալը մոռացության տալու մասին Հայաստանից հնչող կոչերը:
Հայ Առաքելական
եկեղեցին, ինչպես հայտնի է, սրբադասել է Ցեղասպանության զոհերին: Բայց դա չի նշանակում,
որ նրանք արդեն անցյալում են, պատմության խորքերում: Նրանք ապրում են յուրաքանչյուր
հայի կյանքում՝ իրենց խորը հավատով, անպարտելի ոգով և չիրականացած երազանքներով: Մենք
պարտավոր ենք կյանքի կոչել դրանք: Մենք իրավունք չունենք դավաճանել նրանց հիշատակը
և ոչ ոքի թույլ չենք տա կեղծել մեր պատմությունն ու ջնջել մեր հիշողությունը:
Վերջապես
դա պետք հասկանան բոլորը, առաջին հերթին հայկակայն էլիտայի ներկայացուցիչները: Անցած
դարասկզբին երիտթուքական պարագլուխները ծրագրավորեցին և իրականացրին հայ ժողովրդի ցեղասպանությունը՝ օգտվելով Առաջին համաշխարհային պատերազմի իրավիճակից,
հայկական էլիտաների անհեռատեսությունից և նրանց անմիաբանությունից:
Ապրիլի
24-ը ևս մի առիթ է՝ գիտակցել տեղի ունեցածը և համախմբվել, որպեսզի բացառվի դրա կրկնությունն
այսօր՝ մեր օրերում: Այլ ճանապարհ չկա:
Արա Աբրահամյան