Շատ մարդիկ ուշադրություն չեն դարձնում այն փաստին, որ ալկոհոլի օգտագործումը կանանց շրջանում օնկոլոգիայի առավել տարածված տեսակի՝ կրծքագեղձի քաղցկեղի ռիսկի հիմնական գործոնն է, այս մասին նշվել է Առողջապահության համաշխարհային կազմակերպության եվրոպական բյուրոյի հայտարարությունում։
ԱՀԿ-ում կարծում են, որ վատ տեղեկացված լինելն այս հարցում լուրջ խոչընդոտ է այդ հիվանդության կանխարգելման համար։
Վերջերս իրականացված հետազոտության արդյունքները ցույց են տալիս, որ կանանց 21 եւ տղամարդկանց 10 տոկոսն է եվրոպական երկրներում իմացել ալկոհոլի օգտագործման եւ կաթնագեղձի քաղցկեղի առաջացման միջեւ կապի մասին։
Կազմակերպությունում նշել են, որ այս հիվանդության դեպքում ալկոհոլն ազդում է էստրոգենների մակարդակի վրա, որոնք կարեւոր դեր են խաղում կաթնագեղձի քաղցկեղի շատ տեսակների առաջացման գործում։ Ալկոհոլի ազդեցությունը հորմոնների մակարդակի վրա մասամբ բացատրում է բարձր ռիսկը։
ԱՀԿ տվյալներով՝ եվրոպացի կանանց համար կաթնագեղձի քաղցկեղը՝ պայմանավորված ալկոհոլի օգտագործմամբ, կազմում է բոլոր դեպքերի 66 տոկոսը։ Միայն 2022թ. եվրոպական տարածաշրջանում գրանցվել է այդ հիվանդության ավելի քան 600 հազար դեպք։
