Ադրբեջանի օմբուդսմեն Սաբինա Ալիևան ընդունել է Արցախի ԱԳ նախկին նախարար Դավիթ Բաբայանին, այս մասին ԱՊԱ-ին հայտնել են Օմբուդսմենի գրասենյակից։
Այցը տեղի է ունեցել հոկտեմբերի 3-ին։ Ալիևան լսել է Դավիթ Բաբայանին, ուսումնասիրել նրա պահման և բուժման պայմանները, օրենքով նախատեսված իրավունքների ապահովման վիճակը։
Հաղորդվում է, որ Բաբայանին տրամադրել են ակնոցներ, գրադարանի և տեղեկատվության հասանելիություն։
Բաբայանն ասել է, որ կալանքի պայմանների հետ կապված բողոքներ չունի, նաև բուժզննում է անցել։
Նշվում է նաև, որ Դավիթ Բաբայանին տրամադրվել է փաստաբան։
Հիշեցնենք՝ սեպտեմբերի 30-ին Ադրբեջանի գլխավոր դատախազությունը հայտնեց Արցախի Հանրապետության արտաքին գործերի նախկին նախարար Դավիթ Բաբայանին կալանավորելու մասին։
Նա կալանավորվել է 4 ամսով:
Սեպտեմբերի 28-ին Բաբայանը հայտարարել էր, որ որոշել է հանձնվել Ադրբեջանի իշխանություններին։
