«Զանգեզուրի պղնձամոլիպդենային
կոմբինատ» ընկերությունը սերտորեն համագործակցում է Հայաստանի ազգային պոլիտեխնիկական
համալսարանի հետ։ ԶՊՄԿ-ն և բուհն ունեն համագործակցության բազում հուշագրեր։ Սա մասնավար-բուհ լավագույն համագործակցություններից է։
Բուհը պատրաստում է ուսանող, ով ավարտելու հետո պատրաստի աշխատակից է ԶՊՄԿ-ի համար։
Հայաստանի ազգային
պոլիտեխնիկական համալսարանի Կապանի մասնաճյուղի բազմաթիվ ուսանողների վարձավճարը հոգում
է հենց ԶՊՄԿ-ն։ Նրանցից մեկը Քաջարան համայնքի բնակիչ Վարդան Վարդանանն է։ Սովորում է բուհի 3-րդ կուրսի Լեռնային
գործ բաժնում։ Ուսման 440 000 դրամ վարձավաճարն, արդեն երկու տարի է, փոխանցում
է ԶՊՄԿ-ն։ Ասում է, որ ուսման վարձի փոխահատուցումն
օգնում է, այդ գումարն աշխատելու մասին մտածելու փոխարեն, կենտրոնանալ ուսման վրա։ Ավարտելուց
հետո վստահ է, որ աշխատանքի կանցնի ԶՊՄԿ-ում, որպես ինժեներ։
