Ըստ Բայդենի, երկու տարի առաջ Ժնևում կայացած հանդիպման ժամանակ նա Պուտինին պատմել է Ռուսաստանում մեծ թվով խնդիրների և դրա մասին Չինաստանի իշխանությունների վատ կարծիքի մասին։ Պուտինն ասել է, որ Մոսկվայի և Պեկինի հարաբերությունները վստահելի են և հավասար
Չինաստանը հարգանքով չի վերաբերվում Ռուսաստանին, ասել է ԱՄՆ նախագահ Ջո Բայդենը 2021 թվականի հունիսին Ժնևում ՌԴ նախագահ Վլադիմիր Պուտինի հետ անձնական հանդիպման ժամանակ։ Այս մասին վերջինս հայտարարել է Մերիլենդում ելույթի ժամանակ՝ հեռարձակված YouTube-ով։
Բայդենն ասել է, որ իր ընտրվելուց անմիջապես հետո հանդիպել է «մի գործընկերոջ հետ, որին ճանաչում է 25 տարի», նրա հետ քննարկված թեմաները ներառում էին ռազմավարական դոկտրինը և տիեզերքում միջուկային զենքի տեղակայման կանխումը: Նրա խոսքով, Պուտինն ասել է, որ «դժկամությամբ է խոսում այս մասին», քանի որ զգում է, որ Վաշինգտոնը ակնկալում է, որ ինքը ներգրավի Չինաստանին այս հարցում։
«Ես ասացի՝ «ես չեմ ակնկալում, որ դուք կներգրավեք Չինաստանին, դուք ընդհանուր սահման ունեք 6 հազար մղոն երկարությամբ, ձեր տունդրան հալվում է Արկտիկայում, մեթանը դուրս է գալիս, դուք շատ խնդիրներ ունեք, իսկ Չինաստանը չունի»: Չինաստանը ձեզ այնքան էլ չի հարգում»,- ասել է ԱՄՆ նախագահը:
