Օգոստոսի 17-ին Նիկոլ Փաշինյանը ցուցադրական շրջայց կատարեց Կապանի «Սյունիք» օդանավակայանի տարածքում և հայտարարեց, թե «արդեն պատրաստ ենք իրականացնել Երևան-Կապան ավիաչվերթներ»։
Առաջին հայացքից թվում
է, թե տեղի ուենցածում ոչ մի առանձնահատուկ բան չկա, սակայն, ինչպես
սովորաբար լինում է՝ ադրբեջանական կողմի ռեզոնանսը չուշացավ,
և արդեն օգոստոսի լույս 18-ի գիշերը նրանց կողմից,Կապանի օդանավակայանի հարակից տարածք
եկած անհայտ անձը կրակոցներ արձակեց օդանավակայանի
ուղղությամբ և հեռացավ։
Տեղի ուենցածին հաջորդեց
Ադրբեջանի արագացված մեսիջը․ մեջլիսի պաշտպանության, անվտանգության և կոռուպցիայի դեմ պայքարի
կոմիտեի ղեկավարը հաստատեց, որ Կապանի օդանավակայանի ուղղությամբ կրակահերթերը պատահական
չեն եղել և դրանով Ադրբեջանը զգուշացնում է, որ թույլ չի տա Երևանից Կապան կանոնավոր
ուղևորափոխադրումներ իրականացնել: Ըստ էության՝ տեղի ուենցածը խոսում է այն մասին,
որ ՀՀ-ն իր տարածքում փաստացի ի վիճակի չէ որևէ քայլ կատարել, ինչը
չի համապատասխանում ադրբեջանական քիմքին։ Ի դեպ՝ նման օրինակներ են նաև
Սոթքի հանքավայրի շահագործման դադարեցումը, Երասխում մետալուրգիական գործարանի պարբերական գնդակոծություններ և այլն:
Հատկանշական է այն, որ հայկական մի քանի խոշոր հանքարդյունաբերական
ձեռնարկությունների դեմ ադրբեջանական կողմը քարոզչական պատերազմ է սկսել և թեման բարձրացրել միջազգային մակարդակ:
Թերևս, զարմանալու կարիք չկա, քանի որ երկու տարուց ավելի է, ինչ Ադրբեջանը փաստացի բռնազավթել է ՀՀ սուվերեն տարածքները (տարբեր փորձագետներ
խոսում են մինչև 150-200 քառակուսի կիլոմետր տարածքի մասին,) և ոչ միայն չի պատրաստվում
հետ քաշվել, այլ հակառակը՝ կապիտալ շինաշխատանքներ է կատարում, ինչը
խոսում է, որ արդեն իսկ «դաբրո» ունեն ՀՀ հակահայ իշխանություններից։ Չնայած, Նիկոլն
իր տարբեր ելույթներում խոսում է, «հայելային հետքաշումների» մասին, սակայն դրանք ընդամենը տեսարանային պնդումներ են և պարզ է, որ այդ ամենը բարձրաձայնվում է՝ ներքաղաքական օրակարգում թեման
«տաք» պահելու և սեփական իշխանության կյանքը երկրարացնելու նպատակով։
Կասկածից վեր է, որ «Սյունիք» օդանավակայանն անվտանգ կարող
է շահագործվել միայն այն դեպքերում, երբ կա՛մ ադրբեջանցիներին համապատասխան դիրքերից
հետ շպրտված կլինեն, կա՛մ ՀՀ-ում կլինի իշխանություն, որի պարագայում ադրբեջանցիները
նման քայլի գնալուց առաջ իրենց քայլերի հետևանքների մասին երկար կմտածեն: Վերջում ուղղակի արձանագրենք, որ նման սադրանքներով
Ալիևը հերթական ապտակն է հասցնում Նիկոլին և ցույց տալիս, թե իրականում ինչ վերաբերմունք ունի նրա նկատմամբ։
Արմեն Հովասափյան
