Մանդատները դնելու ժամանակ գալու է. Մամիջանյանը ասել է` երբ

Մանդատները վայր դնելը, այո, ընդդիմության համար գործիք է, բայց դրանից հետո ոչ մի բան տեղի չի ունենալու և խորհրդարանը չի լուծարվելու։ Այս մասին «Աբովյան Time»–ի եթերում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։

«Կլինեն գործընկերներ, որոնք կասեն` դա կառաջացնի քաղաքական ճգնաժամ, բայց սրանից «բեթար» քաղաքական ճգնաժամ դժվար է պատկերացնել»,–նշեց պատգամավորը։

Նա ընդգծեց, որ մանդատները դնելու ժամանակ գալու է, բայց դա այն հերթական գործիքն է, որը պետք է կիրառվի ուժեղացնելու համար հանրային կոնսոլիդացիան։

Իսկ թե ինչ է անում և ինչու է մինչև հիմա ընդդիմությունը խորհրդարանում ընդդիմության ներկայացուցիչը բացատրում է, որ եթե միջազգային հարթակներում Հայաստանը ներկայացնեն միայն ՔՊ–ականները, աշխարհին ներկայացնելու են իբր Հայաստանում կոնսենսուս է Արցախը հանձնելու հարցում։

Աղբյուր՝  Sputnik Արմենիա