Երեւանում հասարակական տրանսպորտի համալիր բարելավման ծրագրի շրջանակում նախատեսված միասնական տոմսային համակարգի ներդրման գործընթացը սկսվել է պիլոտային ներդրումով՝ համար 1 երթուղում: Երևանի քաղաքապետարանից հայտնում են, որ փորձարկման նպատակով գործարկվել է մեկանգամյա օգտագործման QR code տոմսային տեսակը:

Համակարգից օգտվելու համար տոմսեր կարելի է ձեռք բերել N 1 երթուղու երկայնքով տեղակայված կանգառների հարակից տարածքներում առկա «ԹելՍել» վճարային տերմինալներից և Telcell բջջային հավելվածի միջոցով:

Հարցերի դեպքում քաղաքապետարանից խորհուրդ են տալիս զանգահարել ավտոբուսներում տեղադրված վալիդատորի էկրանին նշված հեռախոսահամարով: