Երգչուհի Բրիթնի Սփիրսի կյանքը, ոչ մի կերպ չի կարգավորվում։ Նրան  հաջողվեց ձերբազատվել հոր խնամակալությունից ու վատ սովորություններից, սակայն չի հաջողվում շտկել հարաբերությունները որդիների հետ։ Ինչպես գրում է Page Six-ը փոփ-երգչուհին իր երեխաներին չի տեսել ավելի քան մեկ տարի։ 2022 թվականի ամառվա վերջում տղաները նույնիսկ չէին պատասխանում նրա հաղորդագրություններին։ 

« Նա կատաղած էր»,- այս մասին պատմել է իր պրոդյուեր Քեթի Հեյսը "TMZ Investigates: Britney Spears: The Price of Freedom" վավերագրական ֆիլմում։

Վերւին անգամ երգչուհին որդիներին՝ Շոնին և Ջեյդենին, տեսել էր 2022 թվականի սկզբներին։ Դա տեղի էր ունեցել Սեմ Ասգարիի հետ ամուսնությունից առաջ։ Դեռ անցած տարի Ջեհդենը պատմել է, որ Սփիրսը լավ մայր չի եղել իրենց համար։ Գրթե նույն բանն էլ ասել էր, Սփիրսի նախկին ամուսին Քևին ֆեդերլայնը նշելով, որ երեխաները չեն ցանկանում տեսնել մորը, քանի որ նա կիսամերկ լուսանկարներ է տեղադրում համացանցում։ Քևինը նշել է, որ երեխաներն  մոր պահվածքի համար ամաչում են իրենց համադասարանցիներից։