Դեկտեմբերի 11-ին, ժամը 21:42-ին Ճգնաժամային կառավարման ազգային կենտրոն տեղեկություն է ստացվել, որ Երևանի Արարատ կոնյակի գործարանի մոտակայքում տեղի է ունեցել ՃՏՊ․ անհրաժեշտ է փրկարարների օգնությունը։ Այս մասին հայտնում են ՀՀ ԱԻՆ-ից:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Հաղթանակի կամրջի վրա բախվել են «Kia Sorento» (վարորդ՝ Կ. Կ., ծնված 1979 թ․) և «Hyundai Sonata» (վարորդ՝ Ռ. Ս., ծնված 1998 թ․) մակնիշների ավտոմեքենաները: «Kia Sorento» մակնիշի ավտոմեքենայի վարորդը  հոսպիտալացվել է «Հերացի» թիվ 1 հիվանդանոցային համալիր։

Փրկարարները հոսանքազրկել են ավտոմեքենաները և փակել գազի բալոնների փականները։