Լոնդոնի մետաղների բորսան որոշում է կայացրել արգելել ռուսական մետաղի նոր մատակարարումները, ինչը հարված է հասցրել արեւմտյան ալյումինի խոշոր արտադրողներին եւ որոշ առեւտրականների, որոնք միջոցներ ձեռնարկելու նպատակով լոբբինգ են արել, գրում է Bloomberg-ը:
LME-ն հայտնել է, որ մետալուրգիական արդյունաբերության տվյալները ցույց են տվել, որ շուկայի զգալի մասը դեռ ընդունում եւ նույնիսկ ապավինում է ռուսական մետաղին։
Նշվում է, որ բորսան հավանություն չի տալիս Ուկրաինայում Ռուսաստանի գործողություններին, սակայն «LME-ն չպետք է ձգտի ընդունել կամ պարտադրել որեւէ բարոյական դատողություն ավելի լայն շուկայում»։
Մետաղների գները բարձրացել են վերջին շաբաթների ընթացքում, քանի որ առեւտրականները կշռադատում են LME-ի, ինչպես նաեւ ԱՄՆ կառավարության կողմից գործողությունների հնարավորությունը:
Մետաղի որոշ սպառողներ հրաժարվում են գնել ռուսական մետաղ, ինչը մտավախություն է առաջացնում, որ այն կարող է գնվել LME-ով եւ խեղաթյուրել բորսայի գները:
LME-ի պահեստներում ռուսական պաշարները կարող են աճել առաջիկա ամիսներին, քանի որ գլոբալ աճի դանդաղումը վնասում է պահանջարկը, ասել է LME-ն:
