Ինդոնեզիայում G20-ի գագաթնաժողովում ռուսական պատվիրակությունը կգլխավորի արտգործնախարար Սերգեյ Լավրովը։ Այս մասին «ՌԻԱ Նովոստի»-ն ասել է Ինդոնեզիայում ՌԴ դեսպանատան մամուլի կցորդ Ալեքսանդր Տումայկինը։ Նրա խոսքով՝ նախագահ Վլադիմիր Պուտինը կարող է գագաթնաժողովին մասնակցել առցանց ձևաչափով։
Ավելի վաղ հաղորդվել էր, որ Պուտինն անձամբ ներկա չի գտնվի «Մեծ քսանյակի» գագաթնաժողովին, որը մեկնարկելու է Բալիում նոյեմբերի 15-ի։
Ակնկալվում է նաև, որ G20 գագաթնաժողովի շրջանակներում Պուտինն առցանց կմասնակցի հանդիպումներից մեկին։ Ընդ որում՝ Մահարդին չի մանրամասնել՝ արդյոք համապատասխան որոշումը հաստատվել է Կրեմլի կողմից:
Վերջին շրջանում մի շարք լրատվամիջոցներ գրել են Ռուսաստանի նախագահի կողմից Բալիում G20-ի հանդիպմանը մասնակցելու պլանների բացակայության մասին, մինչդեռ Կրեմլը դեռ պաշտոնապես չի հայտնել՝ ներկա կգտնվի արդյոք Պուտինը գագաթնաժողովին, թե ոչ։
