ղաքականության հետ:

ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը հետաքրքրվել է՝ որքա՞ն է Կենտրոնական բանկը հաջորդ տարի Հայաստանում կանխատեսում տնտեսական աճը: «Կենտրոնական բանկն այս տարվա համար 12,9 տոկոս տնտեսական աճ է կանխատեսում, իսկ մյուս տարվա համար կանխատեսում ենք 4,5 տոկոս: Մյուս տարի տնտեսական աճի ցուցանիշը կլինի ավելի ցածր, քան Կառավարության կողմից կանխատեսված 7 տոկոսն է. մենք ակնկալում ենք 4,5 տոկոսի շրջանակում, որովհետեւ այս տարվա աճն է բավականին բարձր եղել»,- ասել է Մարտին Գալստյանը:

Հաշվեքննիչ պալատի նախագահ Ատոմ Ջանջուղազյանն անդրադարձել է բյուջետային հայտի ուսումնասիրման գործընթացին, պալատի գործունեության մեթոդաբանությանը եւ 2023 թ. պետական բյուջեի նախագծի հիմնական արդյունքային եւ ֆինանսական ցուցանիշներին, ինչպես նաեւ իրավական դաշտի բարելավման, պալատի գույքային պայմանների բարելավման ու մարդկային ռեսուրսների կառավարման խնդիրներին:

Նշվել է, որ գործող մեթոդաբանության եւ միջազգայնորեն ընդունված մոտեցումների համատեքստում եզրակացությունը համարվում է վստահելի, երբ կարծիքը տրվում է՝ ապահովելով ընդհանուր գումարի 90 տոկոսից ոչ պակաս ծածկույթի հաշվեքննություն: Նախատեսվում է 2023 թ. իրականացնել 55 հաշվեքննություն. ծրագրի առաջին մասով նախատեսվում է 40, իսկ երկրորդ մասով՝ 15 հաշվեքննության իրականացում:

Ատոմ Ջանջուղազյանի խոսքով՝ արդյունքային ցուցանիշներն արձանագրելու համար նախատեսվում է շուրջ մեկ միլիարդ 60 միլիոն դրամ օգտագործել, որի շուրջ 86 տոկոսը՝ 907 մլն դրամը, կօգտագործվի աշխատանքի վարձատրության համար: Գնումների համար կնախատեսվի շուրջ 130 մլն դրամ, իսկ մնացածն օրենքով նախատեսված Հաշվեքննիչ պալատի պահուստային ֆոնդն է՝ շուրջ 19 մլն դրամ: