Երկուշաբթի օրը Լյուքսեմբուրգում ծրագրված հանդիպում կանցկացնեն ԵՄ 27 երկրների արտգործնախարարները:
Ակնկալվում է, որ նախարարները կանաչ լույս կվառեն քաղաքացիական առաքելությանը՝ օգնելու լուծելու հայ-ադրբեջանական սահմանին առկա խնդիրները:
«Հոկտեմբերի 6-ին՝ մեկ շաբաթ առաջ, Հայաստանի, Ադրբեջանի, Ֆրանսիայի ղեկավարների և Եվրոպական խորհրդի նախագահի հանդիպմանը պայմանավորվածություն է ձեռք բերվել առաքելություն ստեղծելու վերաբերյալ, սպասվում է, որ երկուշաբթի նախարարները կհաստատեն այս առաքելությունը »,-ասել է ՏԱՍՍ-ի ԵՄ դիվանագիտական շրջանակի ներկայացուցիչը։
Դիվանագետի խոսքով՝ առաքելության մասին մանրամասներ դեռ հայտնի չեն։
«Կարող եմ միայն ասել, որ առաջին փուլում կտեղակայվեն մոտ 400 դիտորդներ»,-ասել է նա՝ ընդգծելով, որ նրանք երկու երկրների սահման կուղարկվեն Վրաստանում ԵՄ առաքելությունից։
«Մենք անձնակազմը վերցնում ենք Վրաստանում մեր առաքելությունից՝ հիմնախնդրի հրատապության պատճառով»,-բացատրել է կառույցի ներկայացուցիչը։
Հոկտեմբերի 7-ին Պրահայում նախագահ Շառլ Միշելի և Ֆրանսիայի նախագահ Էմանուել Մակրոնի՝ Ադրբեջանի և Հայաստանի առաջնորդներ Իլհամ Ալիևի և Նիկոլ Փաշինյանի հետ հանդիպումից հետո Եվրոպական խորհուրդը հայտարարեց, որ ԵՄ քաղաքացիական առաքելությունը կսկսվի հոկտեմբերին և կտևի երկու ամիսներ: Մինչ այս հանդիպումը, վերջին անգամ Ալիևն ու Փաշինյանը բանակցություններ էին վարել օգոստոսի 31-ին Բրյուսելում՝ Միշելի մասնակցությամբ։ Այս հանդիպումից երկու շաբաթ անց երկու հանրապետությունների սահմանին տեղի ունեցան լայնածավալ ռազմական գործողություններ, որոնց արդյունքում 200-ից ավելի հայ զինծառայող սպանվեց կամ անհետ կորավ։
