ԱՄՆ նախկին նախագահ Դոնալդ Թրամփը ցանկություն է հայտնել ղեկավարել Ռուսաստանի և Ուկրաինայի միջև բանակցային գործընթացը։ Այս մասին հայտնում է WION-ը՝ հղում կատարելով իր Truth Social սոցիալական ցանցին։

Քաղաքական գործիչն ու միլիարդատերը նշել է, որ Ռուսաստանին և Ուկրաինային անհրաժեշտ է խաղաղության  պայմանագիր կնքել։
«Երկու կողմերն էլ դրա կարիքն ունեն և ցանկանում են, վտանգված է ամբողջ աշխարհը»,- ասել է Թրամփը։

Այնուհետ Թրամփը հարցրել է՝ պե՞տք է արդյոք, որ ինքը գլխավորի բանակցային թիմը: Մոսկվան և Կիևը դեռ չեն արձագանքել ԱՄՆ նախկին նախագահի առաջարկին։