«Եռաբլուր» զինվորական պանթեոնում այսօր զոհված զինծռայողների մայրերը թույլ չտվեցին առողջապհության նախարար Անահիտ Ավանեսյանին ծաղիկներ դնել զոհվածների շիրիմներին:
«Իրավունք չունես դու գաս էդտեղ, դուրս անցի, ծաղիկ չդնես: Դավայ-դավայ, իջի գնա: Ռադ եղի: Ծաղիկ չդնես, արժանի չի քո ծաղիկն էդ երեխեքին: Դուք եք մեզ էսօրը գցել, որ մեր բերանը լեզու դրեցիք ու ամեն ինչ էսօր ասում ենք ձեզ, ձեր տականք ղեկավարին: Այ տենց տուզիկ-տուզիկ գաք ու գնաք, ախոռաշներ: Մյուսը երեխուդ վրա կդնես ծաղիկ: Բա իջի, ուր ես գնում գող շան նման»,-ասաց ծնողներից մեկը:
Անահիտ Ավանեսյանը արագ ծաղիկներ դրեց ու հեռացավ այլ ճանապարհով:
Հիշեցնենք, որ այսօր վաղ առավոտից ոստիկանական հսկայական ուժեր էին կենտրոնացել «Եռաբլուր» զինվորական պանթեոնում: Առավոտյան ժամը 6-ից այստեղ էին մեծ թվով անվտանգության աշխատակիցներ: Կարմիր ու սեւ բերետավորներ շղթա էին կազմել: Ինչ-որ պահի կարմիր բերետավորները սկսեցին քաշքշելով բերման ենթարկել զոհված զինծառայողների ծնողներին, այդ թվում կանանց, որոնք եկել էին այստեղ թույլ չտալու, որպեսզի Անկախության օրվա տոնի կապակցությամբ Նիկոլ Փաշինյանն այցելի «Եռաբլուր»:
Ոստիկանները խոչընդոտել են նաեւ լրագրողների եւ օպերատորների աշխատանքը՝ նրանց հրելով իջեցնելով «Եռաբլուրի» եկեղեցու հատվածից:
