Գերմանիան իսրայելական Arrow 3 հակահրթիռային պաշտպանության համակարգի գնման շուրջ բանակցություններ է վարում։ Այս մասին հայտարարել է Իսրայելի վարչապետ Յայիր Լապիդը, հաղորդում է Reuters-ը։

Գերմանիան մեծացրել է իր ռազմական ծախսերը, ինչպես նաեւ օգնություն եւ ծանր սպառազինություն տրամադրել Կիեւին՝ որպես միջազգային պատասխան պատերազմին։ «Իսրայելը դեր կունենա Գերմանիայի նոր պաշտպանության ուժերի ստեղծման գործում, հիմնականում՝ հակաօդային պաշտպանության մեջ»,-ասել է Լապիդը։

Նա նշել է, որ մոտ ապագայում գործարքը հնարավոր է, սակայն հրաժարվել է նշել գործարքի արժեքը։