Վանաձոր համայնքի նախկին ղեկավար Մամիկոն Ասլանյանի կողմից չարաշահումների դեպքի առթիվ հարուցված քրգործի նախաքննությունն ավարտվել է։ Ըստ քննչական կոմիտեի՝ բոլոր հանգամանքները պարզվել են  և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է դատավարական ղեկավարում իրականացնող դատախազին:  Քրեական գործով հիմնականում շեշտը դրված է այն հանգամանքի վրա, որ Ասլանյանը չարաշահել է պաշտոնական դիրքը։ ՔԿ մանրամասն նկարգրում է իր ունեցած տեղեկությունները, որոնք չարաշահումներին, հողատարածքների ոչ օրինական սեփականաշնորհմանն  են վերաբերում, իսկ Ասլանյանի պաշտպան Երվանդ Վարոսյանը Vesti.am –ի հետ զրույցում պնդում է, որ քրեական գործն ունի քաղաքական ենթատեքստ, իսկ Ասլանյանը քաղբանտարկյալ է։ Նման կարգավիճակ է ձեռք բերել պարզապես ընտրություններում իշխանության կամքին հակառակ հաղթելու համար։

Հարցին՝ թե ինչպես է գնահատում նախաքննության ընթացքը, պաշտպան Վարոսյանն ասաց․ «Մամիկոն Ասլանյանը հաղթեց Վանձորի ՏԻՄ ընտրություններում, դա դուր չեկավ քաղաքական իշխանությանը, պաշտպանյալս կալանավորվեց և շարունակում է գտնվել կալանքի տակ։ Գնահատելու այլ բան չկա։ Նրա նկատմամբ  քրեական հետապնդում  է իրականացվում բացառապես քաղաքական նպատակներով, քննիչն էլ այս պարագայում կատարում է բոլոր այն հրամանները, որոնք նրան տալիս են։  Քննչական գործողություններ կկատարեն, չեն կատարի՝ դրանք չորրորդական հարցեր են։ Առհասարակ Մամիկոն Ասլյանյանին առաջադրված մեղադրանքները և հանցագործություն հասկացությունն իրար հետ որևէ առնչություն չունեն»։

Երվանդ Վարոսյանի խոսքվ՝ Ասլանյան այս փուլում ևս չի չունդունում իրեն առաջադրված մեղադրանքները․ «Առաջադրված մեղադրանքի բովանդակությունն այնպիսին է, որ անհասկանալի է՝ ինչը պետք է ընդունել և ինչը՝ ոչ։ Հանցագործության մասին խոսք անգամ լինել չի կարող»։

Ուղիղ հարցին՝ քրեական գործ հարուցելու և կալանավորելու միակ պատճառն ընտրություններում հաղթե՞լն է, Վարոսյանը պատասխանեց․ «Ո՛չ իշխանության կամքին հակառակ հաղթանակ տանելն է։ Եթե դու հաղթանակ ես տանում Նիկոլ Փաշինյանի «դաբռոյով», դու խնդիր չունես։ Հակառակ դեպքում դու ունես խնդիր, որովհետև ինքը հատուկ քո համար ԱԺ-ում կարող է օրենք էլ անցկացնել և նշանակել իր ուզած ԺՊ-ին՝ «ժողովրդավարության բաստիոններում» այդպես լինում է։