Ընդդիմադիր «Հայաստան» խմբակցության ղեկավար Սեյրան Օհանյանը ԱԺ նիստին հայտարարեց, որ խորհրդարանական ընդդիմությունը չի մասնակցելու այս քառօրյային, և մեկնում է Արցախ ու Հայաստանի սահմանամերձ մարզեր.
«Հայաստանի և Արցախի առջև լրջագույն մարտահրավերներ են առաջացել՝ պայմանավորված միջազգային գլոբալ ճգնաժամով և Թուրքիայի, Ադրբեջանի հակահայ վարքագծով:
Մեզ համար սակարկելի չեն ՀՀ անկախության հռչակագրում նշված դրույթները , մեր տարածքային ամբողջականությունը և սուվերենությունը, անընդունելի ենք համարում ԼՂ հակամարտության որևէ տարբերակ, որի դեպքում Արցախը կարող է հայտնվել Ադրբեջանի կազմում, համզոված ենք, որ Հայաստանի օրվա իշխանությունները անկարող են լուծել ներքին և արտաքին բազմաթիվ խնդիրներ, վերջին զարգացումները ցույց են տալիս, որ ամեն ինչ ընթանում է թուրք-ադրբեջանական տանդեմի օրակարգով , կա սպառնալիք Հայաստանի տարախքային ամբողջականությանը, վտանգված է Արցախը»,-ասաց Օհանյանը:
Նրա խոսքով՝ Արցախին առնչվող բոլոր հարցերում կրավորական դիրք է ընդունել իշխանությունը.
«Ելնելով ստեղծված իրավիճակից՝ խորհրդարանական ընդդիմությունը հայտարարում է, որ չի մասնակցելու այս շաբաթվա նիստերին ու քվեարկություններին, մենք մեկնում ենք Արցախ ու ՀՀ սահմանամերձ մարզեր», - հայտարարեց նա:
Ելույթի վերջում Սեյրան Օհանյանը Արցախի դրոշը տեղադրեց ԱԺ ամբիոնին:
«Պատիվ ունեմ» խմբակցության քարտուղար Հայկ Մամիջանյանն էլ հայտարարեց, որ իրենք նույնպես չեն մասնակցելու նիստերին, մեկնում են Արցախ:
