Գյումրիում տեղի ունեցած ՏԻՄ ընտրություններում հաղթանակ չտարավ իշխող «Քաղաքացիական պայմանագիր» կուսակցությունը։ Հաղթանակը «Բալասանյան» դաշինքինն էր, որը սակայն չի հավաքել ձայների 50 տոկոսից ավելին և պետք է կոալիցիա կազմի այլ ուժի հետ։  Թեմայի շուրջ Vesti.am-ը զրուցել է ՔՊ թեկնածու Հովհաննես Հարությունյանի հետ։

-          Պարո՛ն Հարությունյան, ինչպե՞ս եք գնահատում ընտրությունների ընթացքը։

-          Ընթացքը գնահատում եմ նորմալ, բայց շատ ցածր մասնակցություն էր, որը մեզ մտահոգում է և հիմա փորձում ենք հասկանալ, թե ինչն էր պատճառը, որ մասնակցության այդպիսի ցածր ցուցանիշ ունենցանք։

-          Ինչո՞ւ «Քաղաքացիական պայմանգիրը» չհաջողեց։

-          Ժողովուրդը պարզապես չուզեց մասնակցել։ Մեր վարած քաղաքականությունն էլ հենց ուղղված է եղել նրան, որ յուրաքանչյուրը գնա ընտրության և քվեարկի, բայց չգնացին։ Ես դա համարում եմ խնդիր, որը էական ազդեցություն ունեցավ արդյունքների վրա։

-          Մամուլը գրում էր, որ ՔՊ շտաբում վիճաբանություն, ծեծկռտուք է եղել Ձեր, Կարեն Սարուխանյանի և Խաչատուր Սուքիասյանի միջև։ Հնչել են սեռական բնույթի հայհոյանքներ, միմյանց հասցերին ուղղված մեղադրանքներ։ Կհերքեք կամ հաստատեք։

-          Հերքում եմ։ Միանշանակ նման բան չէր էլ կարող լինել։

-          Նախկին մարզպետի հետ (Կարեն Սարուխանյան) վիճաբանություն էլ չեք ունեցել։

-          Նման բան անհնար է որպիսի լինի։