Foto

ԵՊՀ-ում ինչո՞վ են միմյանցից տարանջատվում մարդիկ և ուսանողները

Շուրջ 2 օր է մամուլում շրջանառվում  են այն լուրերը, որ գործարար Սամվել Ալեքսանյանը սեպտեմբերի 12-ին՝ կիրակի օրը, այցելել է ԵՊՀ և ուսումնասիրել  է մասնաշենքերի նկուղները։ Թե ի՞նչ նպատակով՝ տարբեր աղբույրներ տարբեր տեսակետներ են հնչեցնում ՝ բուֆետ կառուցելուց միչև դիակիզարանների հիմնում։  Լուրի իսկությունը ճշտելու և այցի նպատակները հստակեցնելու համար Vesti.am-ը գրավոր հարցմամբ դիմել է ԵՊՀ ռեկտորի պաշտոնակատար Հովհաննես Հովհաննիսյանին։  Հարցման մեջ ներառվել  են հետևյալ հարցերը՝

1 Արդյո՞ք 2021թվականի սեպտեմբերի 12-ին՝ կիրակի օրը, գործարար Սամվել Ալեքսանյանն այցելել է ԵՊՀ,  ուսումնասիրել մասնաշենքերի նկուղները, մասնավորապես՝ մաթեմատիկայի ֆակուլտետինը։

2 Եթե եկել է, ապա խնդրում եմ նշել այցի նպատակը։

3 ԵՊՀ-ն որևէ համագործակցություն նախատեսո՞ւմ է գործարար Սամվել Ալեքսանյանի հետ։

Գրությանն ի պատասխան ԵՊՀ ռեկտորը հայտնել է «ԵՊՀ ղեկավարությունը պարբերաբար հանդիպումներ է ունենում ակադեմիական, գործարար շրջանակների հետ՝  ԵՊՀ ենթակառուցվածքների, միջավայրի փոփոխության և առավել ուսանողակենտրոն և մարդակենտրոն մթնոլորտ ստեղծելու  ուղղությամբ։ ԵՊՀ-ն պատրաստ է համագործակցել  յուրաքանչյուր կազմակերպության և անհատի հետ՝ ի շահ ԵՊՀ դասախոսների և ուսանողների»։ Այսինքն, հայտնում են, որ պարբարբար հանդիպում են ակադեմիական և գործարար շրջանակների հետ։

Հարգելի՛ պարոն Հովհաննիսյան, այդ պատասխանը տալու համար լրատվականը Ձեզ պետք է հարցրած լիներ՝ ԵՊՀ-ն համագործակցո՞ւմ է ակադեմիական կամ գործարար շրջանակների հետ։  Vesti.am-ը, սակայն նման ձևակերպմամբ հարց չէր ուղղի և ոչ մի կառույցի, քանի որ հստակ տարանջատում է ակադեմիական և գործածար շրջանակը։ Բացի այդ, մի՞թե ԵՊՀ ղեկավարությունն իր կողմից վկայակոչած հանդիպումներն անց է կացնում  ոչ աշխատանքային օրերին և ժամերին։

Հարգելի՛ պարոն Հովհաննիսյան, շարունակելով բարդ ստորադասական նախադասությունը նշել եք՝ «․․․  ԵՊՀ ենթակառուցվածքների, միջավայրի փոփոխության և առավել ուսանողակենտրոն և մարդակենտրոն մթնոլորտ ստեղծելու համար»։ Ինչո՞վ են ԵՊՀ-ում միմյանցից տարանջատում ուսանողներին ու մարդկանց։

Եվ ամենակարևորը Vesti.am-ը կոնկրետ հարցնում է «Արդյո՞ք 2021թվականի սեպտեմբերի 12-ին՝ կիրակի օրը, գործարար Սամվել Ալեքսանյանն այցելել է ԵՊՀ՝  ուսումնասիրել մասնաշենքերի նկուղները, մասնավորապես՝ մաթեմատիկայի ֆակուլտետինը»։ Այս պարզունակ հարցը ենթադրում էր նույնքան պարզունակ պատասխան՝ այո կամ ոչ։


Ի դեպ, հարցմամբ Ձեզ դիմելիս, լրատվականը օգտագործել էր կոչականի կետադրությունը։


ՀԳ Այնուամենայնիվ, հեռախոսակապի միջոցով լրատվականը փորձեց կապ հաստատել և ստանալ իր հարցերի պատասխանները, որին ի պատասխան հարցման կատարող Լիլիթ Ղազարյանն ասաց, որ նորից խոսել է ռեկտորի ԺՊ Հովհաննես Հովհաննիսյանի հետ և վերջինս փոխանցել է, որ մեր հարցման պատասխանը դա է։

Կից ներկայացնում ենք հարցման պատասխանը։ undefined


Հեղինակ: Anna Avetisyan