Foto

Մյասնիկյան գյուղի առողջության կենտրոնից սննդային թունավորմամբ 8 հոգի տեղափոխվել է «Արմավիր» ԲԿ

Հուլիսի 21-ին թունավորման դեպք է տեղի ունեցել Արմավիրի մարզում:

Shamshyan.com-ի տվյալներով՝ ժամը 20:25-ի սահմաններում Մյասնիկյան գյուղի շտապօգնության կայանից ահազանգ է ստացվել ոստիկանության Բաղրամյանի բաժին, որ «սննդային թունավորում» ախտորոշմաբ իրենց մոտ է տեղափոխվել մի քանի քաղաքացի:

Ոստիկաններն ու քննիչները պարզել են, որ տեղափոխվածներն են Արմավիրի մարզի Բաղրամյան գյուղի բնակիչ, 57-ամյա Ռուզաննա Գ.-ն, Արմավիրի մարզի Մյասնիկյան գյուղի բնակիչներ 35-ամյա Կարիե Խաչատրյանը, 57-ամյա Գայանե Աթոյանը և 44-ամյա Ալվարդ Հարությունյանը:

Պարզվել է նաև, որ նույն օրը՝ ժամ 23:50-ի սահմաններում, Մյասնիկյան գյուղի շտապօգնության բժիշկների հերթապահ խումբը դարձյալ «սննդային թունավորում» ախտորոշմամբ «Արմավիր» բժշկական կենտրոն է տեղափոխել Արմավիրի մարզի Դալարիկ գյուղի բնակիչներ, 59-ամյա Համլետ Մանուկյանին, 31-ամյա Արսեն Մանուկյաին, 25-ամյա Շուշաննա Կարապետյանին և Համլետ Մանուկյանին, ում տարիքը ճշտվում է:

Իրավապահները պարզել են, որ նշված անձինք թունավորվել են նույն օրը՝ ժամը 13:00-ի սահմաններում՝ աշխատանքի վայրում ընդմիջման ժամանակ Մյասնիկյան գյուղում գտնվող «Արաքս» սննդի կետից գնված սնունդն ուտելուց հետո:  

Փաստի առթիվ նյութեր են նախապատրաստվում:

Կայքի տեղեկություններով՝ նշված անձինք աշխատում են «Հիսուսի մանուկներ» առողջության կենտրոնում՝ մի մասը որպես բուժքույր, թունավորվածների մեջ  է նաև նշված կենտրոնի ադմինիստրատորը: