Երեկ, Արցախի
նախագահի հրամանագրով Արցախի հանրապետության սահմանը պաշտպանելիս ցուցաբերած արիության
և խիզախության համար կրտսեր սետժանտ Մեսրոպ
Հարությունյանը հետմահու պարգևատրվել է արիության համար մեդալով:
Մեսրոպ Հարությունյանը
մեկն էր այն տղաներից, ով կյանքը չխնայեց հանուն հայրեինքի: Հերոսի ազգականները նրան
փնտրում էին ու հուսով սպասում վերադարձին, սակայն տարեսկզբին ԴՆԹ հետազոտությունը
հաստատեց՝ հերոսն անմահացել է: Մեսրոպը 25 տարեկան էր, կամավորագրվել ու մորն առանց տեղյակ պահելու մեկնել էր Արցախ: Վերջին
զրույցն հոկտեմբեր ամսին էր՝ քրոջ հետ էր խոսել
ու ասել, որ ամեն ինչ լավ է:
Արդեն կես տարուց ավելի է ծնողները, քույրերը և հարազատները Մեսրոպի հետ զրուցի են բռնվում Եռաբլուրում՝ մտովի հավատալով, որ իրենց հարցերն անպատասխան չեն մնում:
