ՌԴ նախագահ Վլադիմիր Պուտինը եւ Գերմանիայի կանցլեր Անգելա Մերկելը հեռախոսազրույց են ունեցել, քննարկել են Կիեւի սադրիչ գործողությունները, որոնք սրում են Դոնբասի իրավիճակը, հաղորդում է Կրեմլի կայքը:
Նշվում է, որ երկու երկրների առաջնորդները քննարկել են միջազգային մի շարք ակտուալ թեմաներ, կարծիքներ են փոխանակել ներուկրաինական ճգնաժամի կարգավորման հարցերով, մտահոգություն հայտնել՝ կապված Ուկրաինայի հարավ-արեւելքում լարվածության հետ: Վլադիմիր Պուտինն ուշադրություն է հրավիրել Կիեւի գործողությունների վրա, որոնք սրում են իրավիճակը շփման գծում:
