«Տավուշ տեքստիլ» ընկերության երեք արտադրամասերից մեկում կորոնավիրուսի վարակ է բռնկվել։ Հարակից արտադրամսերը ժամանակավորապես փակվել են, շուրջ 150 աշխատակիցներ մեկուսացման մեջ են։ Նման տվյալներ հրապարակեց Տավուշի մարզպետ Հայկ Չոբանյանը «Ազատության» եթերում։ 

Նրա խոսքով, վարակակիրների թիվը 7-ն է, նրանք լավ են զգում։ Մյուս աշխատակիցները թեստավորվում են։

«Հայտնաբերվել է երկու օր առաջ, հաջորդ օրը՝ չորս հոգու։ Ինքնամեկուսացված են նրանց ընտանքիի անդամները։ Ամեն ինչ հսկողության ներքո է»,-ասաց մարզպետը՝ հիշեցնելով, որ այս պահին մարզում 31 վարակակիր կա։