Հոկտեմբեր 22-ին Սոչիի քաղաքային ժողովում տեղի ունեցավ «Եվրասիական գործընկերության միջազգային համաժողով» հասարակական կազմակերպության նախագահ, Ռուսաստանի հայերի միության նախագահ, ՅՈՒՆԵՍԿՕ-ի բարի կամքի դեսպան Արա Աբրահամյանի հանդիպումը Սոչիի հայ համայնքի հետ:
Հանդիպմանը մասնակցում էին Սոչիի քաղաքային ժողովի նախագահ Վիկտոր Ֆիլոնովը, փոխքաղաքապետ Գալինա Մոսկալևան, ՌՀՄ-ն Սոչիի քաղաքային մասնաճյուղի նախագահ Համայակ Ուստյանը և հայ համայնքի բազմաթիվ ներկայացուցիչներ:
Իր ելույթի ժամանակ Արա Աբրահամյանը շնորհակալություն հայտնեց ջերմ ընդունելության համար՝ գոհունակություն հայտնելով ՌՀՄ-ն քաղաքային մասնաճյուղի գործունեությունից, ինչպես նաև հայ համայնքի և տեղի հասարակական կազմակերպությունների միջև առկա համագործակցությունից։
Հատուկ ուշադրություն դարձնելով հանդիպմանը ներկա երիտասարդ ներկայացուցչներին, Արա Աբրահամյանը նշեց, որ ժամանակակից դինամիկ երիտասարդությունը կարևոր դեր է կատարում հայ-ռուսական հարաբերությունների ամրապնդման և զարգացման գործում։
Ներկաները, ինչպես նաև քաղաքային իշխանությունների ներկայացուցիչները համաձայնվեցին հնչած այն մտքի հետո, որ Ռուսաստանում հայկական սփյուռքը մեծ ներուժ ունի։ Քաղաքի ղեկավարները նշել են, որ հայ համայնքը լիովին արդարացնում է քաղաքային իշխանությունների վստահությունը:
Ամփոփելով հանդիպման արդյունքները Համայակ Ներսեսի Ուստյանը շնորհակալություն հայտնեց բոլոր մասնակիցներին կառուցողական և օգտակար երկխոսության համար:
Արա Աբրահամյանը հանդիպել է Սոչի քաղաքի հասարակության հետ
© 2020 «vesti.am» կայքից մեջբերումներ, մասնակի կամ ամբողջական
հեռուստաընթերցումներ կատարելիս՝ հղումը կայքին պարտադիր է։Կայքում
արտահայտված կարծիքները կարող են չհամընկնել խմբագրության տեսակետի հետ։
Հեռ. 060 74-44-74
E-mail: [email protected]