Ազգային ժողովի իշխանական «Իմ քայլը» խմբակցության ղեկավար Լիլիթ Մակունցը «անհասկանալի» է որակել «Բարգավաճ Հայաստան»-ի (ԲՀԿ) դիրքորոշում չհայտնելը Հրայր Թովմասյանի լիազորությունները դադարեցնելու հարցով Սահմանադրական դատարան դիմելու որոշման նախագծի առնչությամբ:
Նախագծի քննարկումն, ամենայն հավանականությամբ, վաղը կամ ուրբաթ կանցկացվի, դրան կհաջորդի գաղտնի քվեարկությունը:
Հրայր Թովմասյանի լիազորությունները դադարեցնելու հարցով ՍԴ դիմելու համար առնվազն 80 օրենսդրի ձայներ են անհրաժեշտ, «Իմ քայլը», հիշեցնենք, 88 պատգամավոր ունի:
«Բարգավաճ Հայաստան» կուսակցության և խորհրդարանական խմբակցության ղեկավար Գագիկ Ծառուկյանը այսօր հայտնեց, որ ԲՀԿ-ն չի մասնակցի նախագծի քվեարկությանը:
Խորհրդարանի ընդդիմադիր մյուս խմբակցությունը՝ «Լուսավոր Հայաստան»-ը հայտարարել է, որ կողմ կքվեարկեն որոշման նախագծին։