12-ամյա ինդոնեզացի տղան, ով կշռում էր 190կգ, կորցրել է իր քաշի գրեթե կեսը ու երազում է դառնալ ֆուտբոլիստ։ Արյա Պերմանան համարվում էր ամենագեր երեխան, մինչև այն պահը, երբ ամբողջությամբ հրաժարվեց շաքարավազից և նիհարեց 95կգ-ով, հայտնում է «Daily Mail»-ը։
Տղան այն ժամանակ ուտում էր այնքան, ինչքան կկարողանան ուտել երկու հասուն տղամարդիկ։ Նրա չափերն անընդհատ մեծանում էին, ինչի հետևանքով ոչ մի հագուստ նրա հագին չէր լինում։
Արյան, սակայն, միշտ այդպիսին չի եղել։ Նա ծնվել է լիովին առողջ՝ նորմալ քաշով, սակայն 2 տարեկանից սկսած նա սկսել է գիրանալ։ Ծնողները ստիպված են եղել հարևաններից ու բարեկամներից պարտքով գումար վերցնել, որպեսզի կարողանան կերակրել Արյաին։ Տղան կարողանում էր ուտել օրական 5 անգամ։
Արյան շատ խիստ սննդակարգով է սկսել սնվել ու հիմա կշռում է շուրջ 100կգ, օրվա ընթացքում քայլում է ու ընկերների հետ խաղում է բադմինթոն։ Ավելի վաղ ավելորդ քաշի պատճառով չէր կարողանում գնալ դպրոց, բայց շուտով տղան կվերադառնա պարապմունքներին։
«Հիմա ես երջանիկ եմ, որովհետև կարողանում եմ քայլել ու խաղալ։ Ես ամեն օր ֆուտբոլ եմ խաղում ու ուզում եմ դառնալ պրոֆեսիոնալ ֆուտբոլիստ»,-ասել է տղան։
